ବୀର ଗାଥା ପ୍ରକଳ୍ପ ବୀରତା ପୁରସ୍କାର ପୋର୍ଟାଲ (GAP) ଅଧୀନରେ 2021ରେ ଆରମ୍ଭ କରାଯାଇଥିଲା। ଏହାର ଉଦ୍ଦେଶ୍ୟ ବୀରତା ପୁରସ୍କାର ବିଜେତାମାନଙ୍କ ବୀରତ୍ୱର ବିବରଣୀ ଏବଂ ଏହି ବୀରମାନଙ୍କ ଜୀବନ କାହାଣୀ ଛାତ୍ରଛାତ୍ରୀଙ୍କ ମଧ୍ୟରେ ପ୍ରସାରିତ କରିବା ଯାହାଦ୍ୱାରା ଦେଶଭକ୍ତିର ଭାବନା ବୃଦ୍ଧି ପାଇବ ଏବଂ ସେମାନଙ୍କ ମଧ୍ୟରେ ନାଗରିକ ଚେତନାର ମୂଲ୍ୟବୋଧ ଜାଗ୍ରତ ହେବ।
ପ୍ରୋଜେକ୍ଟ ବୀର ଗାଥା ଏହି ମହତ୍ ଉଦ୍ଦେଶ୍ୟକୁ ଆହୁରି ଗଭୀର କରି ସ୍କୁଲ ଛାତ୍ରଛାତ୍ରୀଙ୍କୁ ସାହସିକତା ପୁରସ୍କାର ବିଜେତାଙ୍କ ଉପରେ ଆଧାରିତ ସୃଜନଶୀଳ ପ୍ରକଳ୍ପ/କାର୍ଯ୍ୟକଳାପ କରିବା ପାଇଁ ଏକ ମଞ୍ଚ ପ୍ରଦାନ କରିଥିଲା।
ବୀର ଗାଥା ସଂସ୍କରଣ-1ର ପ୍ରବଳ ପ୍ରତିକ୍ରିୟା ଓ ସଫଳତା ପରେ ପ୍ରତିରକ୍ଷା ମନ୍ତ୍ରଣାଳୟ ଶିକ୍ଷା ମନ୍ତ୍ରଣାଳୟ ସହ ସମନ୍ୱୟ ରକ୍ଷା କରି ଏବେ 'ବୀର ଗାଥା 2.0' ପ୍ରକଳ୍ପ ଆରମ୍ଭ କରିବାକୁ ନିଷ୍ପତ୍ତି ନେଇଛି, ଯାହା 2023 ଜାନୁଆରୀରେ ପୁରସ୍କାର ବିତରଣ ସମାରୋହ ସହ ଶେଷ ହେବ ବୋଲି ପ୍ରସ୍ତାବ ରହିଛି। ଗତ ସଂସ୍କରଣ ଅନୁଯାୟୀ, ଏହି ପ୍ରକଳ୍ପ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ସମସ୍ତ ବିଦ୍ୟାଳୟ ପାଇଁ ଉପଲବ୍ଧ ରହିବ।
