‘சரியானதை உண்போம்’ இந்தியா இயக்கத்திற்கான சின்னம் வடிவமைக்கும் போட்டி
பின்னணி
இந்திய அரசின் சுகாதார மற்றும் குடும்ப நல அமைச்சகத்தின் கீழ் இயங்கும் இந்திய உணவு பாதுகாப்பு மற்றும் தர நிர்ணய ஆணையம் (FSSAI), ‘சரியானதை உண்போம்’ இந்தியா இயக்கம் திட்டத்திற்கான சின்னம் வடிவமைக்கும் போட்டியில் மைகவ் தளம் வழியாக பங்கேற்குமாறு குடிமக்களை அழைக்கிறது.
‘சரியானதை உண்போம்’ இந்தியா இயக்கம் என்பது அனைத்து குடிமக்களுக்கும் பாதுகாப்பான, ஆரோக்கியமான மற்றும் நிலையான உணவை மேம்படுத்துவதை நோக்கமாகக் கொண்ட FSSAI-ன் முதன்மைத் திட்டமாகும். இந்த இயக்கம் மக்கள் தகவலறிந்த உணவுத் தேர்வுகளை மேற்கொள்ளவும், சீரான உணவு முறைகளைக் கடைப்பிடிக்கவும் மற்றும் சுகாதாரமான உணவுப் பழக்கங்களை ஆதரிக்கவும் ஊக்குவிக்கிறது.
பொதுமக்களின் ஈடுபாட்டை வலுப்படுத்தவும், உணவுப் பாதுகாப்புத் தொடர்பான கருத்துகளை மக்கள் எளிதில் புரிந்துகொள்ளும் வகையிலும் நினைவில் கொள்ளும் வகையிலும் மாற்றுவதற்காக, ‘சரியானதை உண்போம்’ இந்தியா இயக்கத்திற்கு ஒரு சின்னத்தை அறிமுகப்படுத்த FSSAI முன்மொழிகிறது. இந்தச் சின்னம் ‘சரியானதை உண்போம்’ இந்தியா இயக்கத்தின் காட்சித் தூதராகச் செயல்படும், மேலும் இது பாதுகாப்பான உணவு, ஆரோக்கியமான உணவு மற்றும் நிலையான உணவுப் பழக்கவழக்கங்களின் மதிப்புகளைப் பிரதிபலிக்கும்.
காலவரிசை
இப்போட்டி 40 நாட்களுக்கு விண்ணப்பங்கள் சமர்ப்பிப்பதற்காகத் திறந்திருக்கும்.
நிர்ணயிக்கப்பட்ட காலக்கெடுவிற்குப் பிறகு பெறப்படும் பதிவுகள் பரிசீலிக்கப்படாது. not be considered.
காலக்கெடுவை நீட்டிக்க அல்லது மாற்றியமைக்க FSSAI-க்கு உரிமை உண்டு.
நோக்கங்கள்
சின்னத்தின் முக்கிய நோக்கங்களாவன:
‘சரியானதை உண்போம்’ இந்தியா இயக்கத்தின் மதிப்புகளைப் பிரதிபலிக்கும் வகையில் தனித்துவமான, மறக்கமுடியாத மற்றும் எளிதில் தொடர்புபடுத்தக்கூடிய ஒரு சின்னத்தை உருவாக்குதல்.
உணவுப் பாதுகாப்பு, ஊட்டச்சத்து மற்றும் சுகாதாரமான உணவுப் பழக்கவழக்கங்கள் குறித்த பொது விழிப்புணர்வை அதிகரித்தல்.
‘சரியானதை உண்போம்’ இந்தியா இயக்கத்தில் பொதுமக்களை ஈடுபடுத்துவதன் மூலம் குடிமக்களின் பங்களிப்பை வலுப்படுத்துதல்.
அனைத்து வயதினருடனும், குறிப்பாக குழந்தைகள் மற்றும் இளைஞர்களுடன் ஒரு உணர்வுபூர்வமான பிணைப்பை உருவாக்குதல்.
உணவுப் பாதுகாப்பு மற்றும் ஊட்டச்சத்து செய்திகளை எளிய, நட்பான மற்றும் ஈர்க்கக்கூடிய வகையில் தெரிவித்தல் .
அச்சு, டிஜிட்டல் ஊடகம், நிகழ்வுகள் மற்றும் கல்விசார் விழிப்புணர்வு நடவடிக்கைகளில் இந்தச் சின்னத்தைப் பயன்படுத்துதல்.
இந்தப் போட்டியில் பங்கேற்பதன் மூலம், விண்ணப்பதாரர்கள் பின்வரும் விதிமுறைகள் மற்றும் நிபந்தனைகளுக்குக் கட்டுப்பட ஒப்புக்கொள்கிறார்கள். விண்ணப்பிப்பதற்கு முன் பங்கேற்பாளர்கள் பின்வரும் விதிமுறைகள் மற்றும் நிபந்தனைகளைக் கவனமாகப் படிக்க வேண்டும்.
விதிமுறை மற்றும் நிபந்தனைகள்
தகுதி
வயது, பாலினம், தொழில் அல்லது பின்னணி வேறுபாடின்றி அனைத்து இந்திய குடிமக்களும் இப்போட்டியில் பங்கேற்கலாம்.
தனிநபர்கள் மற்றும் குழுக்கள் (அணிகள்) ஆகிய இரு தரப்பினரும் பங்கேற்கத் தகுதியுடையவர்கள்.
ஒரு குழுவாகச் சமர்ப்பிக்கும் பட்சத்தில் ஒரு நியமிக்கப்பட்ட பிரதிநிதியின், கீழ் பதிவு சமர்ப்பிக்கப்பட வேண்டும், மேலும் பரிசு அந்தப் பிரதிநிதிக்கே வழங்கப்படும்.
ஒவ்வொரு பங்கேற்பாளரும் (தனிநபர் அல்லது குழு) ஒரு பதிவை மட்டுமே சமர்ப்பிக்க முடியும் . பல சமர்ப்பிப்புகள் ஏற்றுக்கொள்ளப்படாது.
வடிவமைப்பு பின்வருவனவற்றைக் கொண்டிருக்கக்கூடாது :
தற்போதுள்ள சின்னங்கள், கதாபாத்திரங்கள் அல்லது வர்த்தக முத்திரைகளை ஒத்திருக்கக்கூடாது.
அவமதிப்பு, பாகுபாடு அல்லது பொருத்தமற்ற உள்ளடக்கங்களைக் கொண்டிருக்கக்கூடாது.
எந்தவொரு பதிப்புரிமை, வர்த்தக முத்திரை அல்லது அறிவுசார் சொத்துரிமைகளை மீறுவதாக இருக்கக்கூடாது .
AI மூலம் உருவாக்கப்பட்ட வடிவமைப்புகள் ஏற்றுக்கொள்ளப்படாது.
பரிசு
போட்டியில் வெற்றி பெறுபவர்களுக்குப் பாராட்டச் சான்றிதழ் மற்றும் பரிசுத் தொகை வடிவில் FSSAI ஊக்கத்தொகை வழங்கும்.
சின்னம் வடிவமைப்பிற்கு: பரிசுத் தொகை - ரூ. 50,000
சின்னத்தின் பெயருக்கு: பரிசுத் தொகை - ரூ. 20,000
FSSAI பொருத்தமானது எனக் கருதினால், ஒன்றுக்கும் மேற்பட்ட வெற்றியாளர்கள் இருக்கலாம், மேலும் பரிசுத் தொகை அவர்களுக்குள் சமமாகப் பகிர்ந்து அளிக்கப்படும்.
சமர்ப்பிப்பு
பதிவுகள் அதிகாரப்பூர்வ மைகவ் போட்டிப் பக்கத்தின் வழியாக மட்டுமே சமர்ப்பிக்கப்பட வேண்டும் . ஒவ்வொரு சமர்ப்பிப்பிலும் பின்வருவன இருக்க வேண்டும்:
1. PDF-இல் சின்னத்தின் படங்கள், அதனுடன் விளக்கக் குறிப்பு மற்றும் சின்னத்தின் பெயர்.
சின்னத்தின் உயர்தரப் படங்கள் PDF வடிவில் தொகுக்கப்பட்டிருக்க வேண்டும் (குறைந்தபட்சம் 300 DPI) .
படத்தின் பரிமாணங்கள் குறைந்தது 1920 × 1080 பிக்சல்களாக இருக்க வேண்டும் .
கோப்பின் அளவு 10 MB-க்கு மிகாமல் இருக்க வேண்டும் .
சின்னத்திற்கான ஒரு பெயர் .
பின்வருவனவற்றை விளக்கும் ஒரு சிறு குறிப்பு (அதிகபட்சம் 200 வார்த்தைகள்) :
சின்னத்தின் பின்னால் உள்ள கருத்து.
அதன் குறியீடு.
அது ‘சரியானதை உண்போம்’ இந்தியா இயக்கத்தின் மதிப்புகளை எவ்வாறு பிரதிபலிக்கிறது என்பது.
பங்கேற்பாளரின் பெயர், சின்னத்தின் பெயர் மற்றும் அது குறித்த சிறு விவரம் ஆகியவை PDF கோப்பின் முதல் பக்கத்தில் இணைக்கப்பட வேண்டும்.
பங்கேற்பாளர்கள் இது போன்ற ஏழு சின்னங்களின் வெளிப்பாடுகள்/செயல்களைச் சேர்க்க வேண்டும்:
சின்னத்தின் தனித்துவமான தோரணை (கட்டாயமானது)
ஆரோக்கியமான உணவை உண்ணுதல்
பாதுகாப்பான உணவிற்காக கட்டைவிரலை உயர்த்தி சம்மதம் தெரிவித்தல்
வாழ்த்துதல் அல்லது கை அசைத்தல்
ஓடுதல் அல்லது சுறுசுறுப்பாக இருத்தல்
புன்னகைத்தல் அல்லது மகிழ்ச்சியை வெளிப்படுத்துதல்
பழங்கள் அல்லது காய்கறிகளை ஏந்தியிருத்தல்
2. உறுதிமொழி
அனைத்துப் பங்கேற்பாளர்களும் இந்த வடிவமைப்பு அசல் என்றும் மற்றும் அனைத்து IPR களையும் FSSAI க்கு மாற்றுவதாகவும் ஒரு உறுதிமொழியைச் சமர்ப்பிக்க வேண்டும் .
அனைத்துப் பங்கேற்பாளர்களும் இந்த வடிவமைப்பு அசல் என்றும் மற்றும் அனைத்து IPR களையும் FSSAI க்கு மாற்றுவதாகவும் ஒரு உறுதிமொழியைச் சமர்ப்பிக்க வேண்டும் .
தேர்ந்தெடுக்கப்பட்ட பங்கேற்பாளர்கள் அறிவிப்பு வந்த ஒரு வாரத்திற்குள் திருத்தக்கூடிய மூலக் கோப்புகளை (AI/CDR/EPS/SVG) சமர்ப்பிக்க வேண்டியிருக்கும்.
திருத்தக்கூடிய கோப்புகளை வழங்கத் தவறினால் தகுதி நீக்கம் செய்யப்படலாம் .
சமர்ப்பிப்புகள் அசலானவையாக இருக்க வேண்டும் மற்றும் வெளியிடப்படாதவையாக இருக்க வேண்டும் .
முழுமையற்ற அல்லது விதிமுறைகளுக்குப் பொருந்தாத பதிவுகள் பரிசீலிக்கப்படாது.
மதிப்பீட்டு செயல்முறை மற்றும் அளவுகோல்கள்
பதிவுகள் FSSAI ஆல் அமைக்கப்பட்ட ஒரு நடுவர் குழுவினால் மதிப்பீடு செய்யப்படும் . மதிப்பீடு பின்வருவனவற்றை அடிப்படையாகக் கொண்டது:
படைப்பாற்றல், அசல் தன்மை மற்றும் தனித்துவம்
‘சரியானதை உண்போம்’ இந்தியா இயக்கத்தின் மதிப்புகளுடன் பொருந்துதல்
காட்சி ஈர்ப்பு மற்றும் எளிமை
பல்வேறு தளங்கள் மற்றும் வடிவங்களில் பயன்படுத்துவதற்கானத் தன்மை
FSSAI இன் முடிவே இறுதியானது மற்றும் கட்டுப்படுத்தக்கூடியது .
அறிவுசார் சொத்துரிமைகள் (IPR)
அனைத்து சமர்ப்பிப்புகளும் FSSAI இன் அறிவுசார் சொத்தாக மாறும் . FSSAI பின்வருவனவற்றிற்கான பிரத்யேக உரிமையைக் கொண்டிருக்கும்:
பயன்படுத்துதல்
மறுஉருவாக்கம் செய்தல்
மாற்றியமைத்தல்
வெளியிடுதல்
காட்சிப்படுத்துதல்
தழுவிக்கொள்ளுதல்
உலகளாவிய விழிப்புணர்வு பிரச்சாரங்கள், வெளியீடுகள், டிஜிட்டல் தளங்கள் மற்றும் விளம்பரப் பொருட்களுக்கான வடிவமைப்புகள் .
அனைத்துப் பங்கேற்பாளர்களும் இந்த வடிவமைப்பு அசல் என்று அறிவிக்கவும் மற்றும் அனைத்து IPR களையும் FSSAI க்கு மாற்றவும் வேண்டும் .
தகுதி நீக்கத்திற்கான காரணங்கள்
பின்வரும் காரணங்களுக்காகப் பதிவுகள் நிராகரிக்கப்படும்:
திருடப்பட்டதாகவோ அல்லது நகலெடுக்கப்பட்டதாகவோ இருந்தால்.
பதிப்புரிமை அல்லது அறிவுசார் சொத்துரிமைச் சட்டங்களை மீறினால்.
பொருத்தமற்ற அல்லது ஆபாசமான உள்ளடக்கத்தைக் கொண்டிருந்தால்.
சமர்ப்பிப்பு விதிமுறைகளுக்கு இணங்கவில்லை என்றால்.
பொறுப்பு & இழப்பீடு
உள்ளடக்கம் அசலாக இருக்க வேண்டும் மற்றும் இந்தியப் பதிப்புரிமைச் சட்டம், 1957-ன் எந்தவொரு விதியையும் மீறுவதாக இருக்கக்கூடாது.
மற்றவர்களின் பதிப்புரிமையை மீறுவதாகக் கண்டறியப்படும் எவரும் போட்டியிலிருந்து தகுதி நீக்கம் செய்யப்படுவார்கள்.
பங்கேற்பாளர்களால் செய்யப்படும் பதிப்புரிமை மீறல்கள் அல்லது அறிவுசார் சொத்துரிமை மீறல்களுக்கு FSSAI எந்தப் பொறுப்பையும் ஏற்காது.
தங்கள் சமர்ப்பிப்புகளால் எழும் எந்தவொரு மூன்றாம் தரப்பு உரிமைகோரல்களுக்கும் எதிராக FSSAI, MoHFW மற்றும் மைகவ் ஆகியவற்றுக்கு இழப்பீடு வழங்கவும் மற்றும் அவர்களுக்கு எவ்வித பாதிப்பும் ஏற்படாமல் பாதுகாக்கவும் பங்கேற்பாளர்கள் ஒப்புக்கொள்கிறார்கள்.
தொழில்நுட்பத் தோல்விகள், தொலைந்து போன சமர்ப்பிப்புகள் அல்லது சமர்ப்பிக்கும் செயல்பாட்டில் ஏற்படும் இடையூறுகளுக்கு FSSAI எந்தப் பொறுப்பையும் ஏற்காது.
பயன்பாட்டு உரிமைகள்
போட்டியில் பங்கேற்பதன் மூலம், பங்கேற்பாளர்கள் பின்வருவனவற்றுக்கான உரிமையை FSSAI-க்கு வழங்குகிறார்கள்:
விளம்பர நோக்கங்களுக்காக அவர்களின் பெயர், வடிவமைப்பு மற்றும் சமர்ப்பிக்கப்பட்ட உள்ளடக்கத்தைப் பயன்படுத்துதல்.
தேர்ந்தெடுக்கப்பட்ட பதிவுகளை அதிகாரப்பூர்வ இணையதளங்கள், சமூக ஊடகத் தளங்கள் மற்றும் விழிப்புணர்வு பிரச்சாரங்களில் காட்சிப்படுத்துதல் .
பங்கேற்பாளர்கள் அனுப்பிய பதிவுகளை பிராண்டிங், விழிப்புணர்வு, IEC பொருட்கள், டிஜிட்டல், அச்சு மற்றும் வெளிக்கள செயல்பாடுகளில் பயன்படுத்தும் உரிமையை FSSAI தக்க வைத்துக் கொள்ளும்.
ஆளும் சட்டம் & தகராறு தீர்வு
இந்தப் போட்டி இந்தியச் சட்டங்களுக்கு உட்பட்டது .
இந்தப் போட்டியிலிருந்து எழும் எந்தவொரு தகராறும் புதுடெல்லியில் உள்ள நீதிமன்றங்களின் அதிகார வரம்பிற்கு உட்பட்டது .
விதிமுறைகளை ஏற்றுக்கொள்வது
போட்டியில் பங்கேற்பது என்பது அனைத்து விதிமுறைகளையும் நிபந்தனைகளையும் நிபந்தனையின்றி ஏற்றுக்கொள்வதைக் குறிக்கிறது .
எந்தவொரு முன்னறிவிப்பும் இன்றி போட்டியின் எந்த நிலையிலும் மாற்றியமைக்கவோ, திருத்தவோ அல்லது ரத்து செய்யவோ FSSAI-க்கு உரிமை உண்டு .
போட்டிச் சுருக்கம்
இந்தச் சவாலானது பின்வரும் ஆக்கப்பூர்வமான கருத்துக்களைக் கோருகிறது:
‘சரியானதை உண்போம்’ இந்தியா இயக்கத்தின் தொலைநோக்கு மற்றும் மதிப்புகளுடன் ஒத்துப்போக வேண்டும்.
பாதுகாப்பான உணவு, ஆரோக்கியமான உணவு மற்றும் நிலையான உணவு ஆகிய ‘சரியானதை உண்போம்’ இந்தியா இயக்கத்தின் மூன்று தூண்களைப் பிரதிபலிக்க வேண்டும்.
பொதுமக்கள் எளிதில் தொடர்புபடுத்திக்கொள்ளும் வகையில் எளிய, நட்பான மற்றும் நெருக்கமானதாக இருக்க வேண்டும்.
அனிமேஷன் மற்றும் டிஜிட்டல், அச்சு மற்றும் நேரடி விழிப்புணர்வு உள்ளிட்ட பல்வேறு தளங்களில் பயன்படுத்துவதற்கு ஏற்றவாறு எளிதில் மாற்றியமைக்கக்கூடியதாக இருக்க வேண்டும்.
நீண்ட கால நிறுவனப் பிரதிநிதித்துவத்திற்குத் தகுந்ததாக இருக்க வேண்டும்.
வலுவான நினைவுத் மதிப்பைக் கொண்டிருக்க வேண்டும் மற்றும் எளிதில் அடையாளம் காணக்கூடியதாக இருக்க வேண்டும்.
நிலையான படங்கள், அனிமேஷன் மற்றும் ஆடியோ-விஷுவல் வடிவங்களுக்கு ஏற்றதாக இருக்க வேண்டும்.
வட்டார, கலாச்சார, பாலின அல்லது வேறு எந்த பாகுபாடும் இன்றி அகில இந்திய அளவில் ஈர்க்கக்கூடியதாக இருக்க வேண்டும்.
தற்போதுள்ள சின்னங்கள் அல்லது பதிப்புரிமை பெற்ற படைப்புகளைப் போல் அல்லாமல், அசல் மற்றும் தனித்துவமானதாக இருக்க வேண்டும்.
கலைப்படைப்புடன் சின்னத்திற்கான ஒரு சொல் பெயரையும் சமர்ப்பிக்க வேண்டும்.
